Google VS Huawei

تفتكر هواوى هتدخل مقبرة نوكيا وبلاك بيرى 

ولا هتكمل الشبح بتاعها وتطلع بـ System جديد

Huawei and google تفتكر هواوي هتستسلم أمام عمالقة التكنولوجيا الأمريكية ولا هتكمل الشبح بتاعها وتطلع بـ system جديد يخص أجهزتها ويكون منافس لأندرويد ؟

بعد ما أتكلمنا في الخبر السابق عن اعلان جوجل عدم تعاملها مع هواوي بسبب قرار وزارة التجارة الأمريكية بحظر التعامل مع هواوي كنا في إنتظار رد من شركة هواوي عشان نعرف موقفها من جوجل هيكون إيه..Huawei and google

لكن إحنا إتفاجأنا “زيكم بالظبط ” لما سمعنا خبر أن شركات صناعات ألكترونية أمريكية زي ” إنتل – كوالكوم – برودكوم ” تضامنوا مع جوجل ووقفوا تعاملاتهم مع شركة هواوي وكان تبريرهم للخبر أنهم بيمتثلوا لقرار الحكومة الأمريكية بحظر هواوي.

وكالة بلومبرج علقت علي الخبر وقالت إن إيقاف إنتل وكوالكوم  وبرودكوم تعاملاتها مع هواوي هيدخل حيز التنفيذ فورًا و ده بعد ساعات من إيقاف شركة جوجل بإستثناء الخدمات المفتوحة المصدر.

توضيح من أندرويد:

نظام التشغيل الأشهر فى العالم “أندرويد” وضح من خلال الحساب الرسمي لشركته أن أجهزة هواوي الحالية هتستمر عليها خدمات Google play  و برامج الحماية  Google protection وده بيأكد أن المشكلة هتكون في الإصدارات الجديدة من أجهزة هواوي وده كمان بيأكد أن ما أعلنته جوجل في قرار وقف تعاملها مع هواوي.

هواوي ردت علي جوجل :

هواوي أصدرت بيان بترد فيه علي قرار جوجل وقالت في البيان إنها ساهمت بشكل كبير في نمو أندرويد على مستوى العالم وده نتيجة لتحقيقها مبيعات عالية خلال الفترة الماضية نهاية 2018 قدرت تبيع 10 مليون وحدة من اصدارها P20  وفي نفس الوقت كان في تراجع في مبيعات المنافسين،  البيان بيطمن الناس اللي بتمتلك أجهزة “هواوي” أوعلامتها التجارية الفرعية “Honor” بأنها هتستمر في تلقي تحديثات الأمان وبيشمل كمان الاجهزة اللي تم شحنها من الصين وكمان الأجهزة الموجودة حاليًا ضمن المخازن في جميع أنحاء العالم وقالت هواوي انها اشتغلت مع اندرويد وطورت نظام بيئي استفاد منه المستخدمين والصناعة وقالت إنها أنها مستمرة في بناء نظام بيئي آمن ومستدام من أجل توفير أفضل تجربة لجميع المستخدمين على مستوى العالم.

السؤال هنا هواوي هتعمل ايه ؟

جريدة  “نيكي” Nikkei اليابانية  قالت ان شركة  “إنفينيون” Infineon الالمانية وهي شركة متخصصة في تصنيع “البوردات ” اللي بيتم تصنيع الاجهزة بيها وقفت أيضًا شحناتها إلى هواوي، قرار “إنفينيون” معناه إن في حرب بتتعمل علي هواوي الموضوع مش مجرد وقف تعامل من جانب شركة وخلاص وهنا هيكون السؤال هواوي ناويه علي إيه هتفاجأ الجميع وتعمل system خاص بيها يكون منافس لأندرويد في السوق خاصةً إن كان في محاولة من سامسونج إنها تعمل نظام تشغيل خاص بيها من حوالي سنتين، لكن هتستسلم هواوي أو لا ده اللي هنعرفه الفترة الجاية خصوصا إن رد هواوي مكنش فيه حاجه قوية وأكيد هواوي حصلها خسائر خلال اليومين اللي فاتوا وزادت مبيعات شركات تانيه منافسة زي “سامسونج أو شاومي” وأكيد مبيعات أيفون إتأثرت باللي بيحصل كمان..

ودى احصائية عن IDC بتوضح حجم طلب السوق على شحنات الـ Smart Phones والاحصائية

بتقول أن شحنات أبل نزلت 30% وسامسونج 8% في الربع الأول 2019 وهواوي ارتفعت 50%

خلال الأيام اللي جايه هنشوف إيه اللي هيحصل وهواوي هتفاجأنا زي ما فاجأت عملائها بتكنولوجيا جديدة من خلال الـ Hardware  وقدرت إنها تسيطر علي نسبة كبيرة من السوق بسبب التكنولوجيا الخاصة بيها و لا هواوي هتستسلم وده أمر غير وارد لمنافس قوي وعملاق صيني زي هواوي.

سجل معانا في النشرة الاسبوعية ليصلك كل جديد من خدمة الـ business time من hpa