Integrated Marketing

ايه هو الـIntegrated Marketing  ؟

هو اسلوب للتسويق هدفه دمج كل الوسائل التسويقيه علشان تكمل بعضها بشكل متناغم عن طريق توحيد الرساله في كل وسائل التسويق المستخدمه و ربط كل اشكال و رسائل التسويق ببعض  لخلق صوره ذهنيه عند العميل بمجرد ما يشوف لون او يسمع كلمه معينه يفتكر منتجك.

و لتعريف ادق, وفقًا لـ Kotler و Armstrong ، فإن Integrated Marketing Communications هو مفهوم تقوم فيه “الشركة بدمج وتنسيق العديد من قنوات الاتصال الخاصة بها – الإعلان على وسائل الإعلام الجماهيرية ، البيع الشخصي ، ترويج المبيعات ، العلاقات العامة ، التسويق المباشر ، التعبئة والتغليف ، وغيرها – لتقديم رسالة واضحة ومتسقة ومقنعة عن المنظمة ومنتجاتها. “

ايه هي الادوات التسويقية اللي ممكن استخدمها في الـIntegrated Marketing ؟

الاعلان :

و هو اشهر وسائل التسويق على الاطلاق بكل انواعه سواء اعلان اذاعي او تليفزيوني او Banners و مؤخراً وسائل التواصل الاجتماعي وغيرهم من وسائل الاعلان, بس ازاي بيتم اختيار الوسيله المناسبه للأعلان, طبعاً ده بيكون على حسب المنتج او الخدمه اللي بتقدمها و طبيعتها و طبيعة جمهورها و افضل وسيلة للوصول ليه بالأضافه للتكلفه.

بالطبع اكثرهم تكلفه هو الأعلان التليفزيوني و اللي من ضمن عيوبه هي صعوبة قياس مردودة على المبيعات, على عكس الSocial media و الWeb sites اللي بتقدر تقيس مدى التفاعل من خلال  تتبع عدد زوار الموقع اللي بيقوموا بالنقر فوق البانر, والبحث عن منتج وطلب مزيد من المعلومات وفي النهاية الشراء.

و لازم تتأكد من وصول رسالتك للجمهور بشكل صحيح و في توقيت صحيح لأن في النهاية انت بتدفع مبلغ مقابل الثانيه.

العلاقات العامه :

أنها وظيفة إدارة تحدد وتؤسس وتحافظ على علاقات المنفعة المتبادلة بين المنظمة والجمهور التي يعتمد عليها نجاحها أو فشلها.

و يعتمد عمل موظفين العلاقات العامه على النشرات الصحفية والأخبار وال Events  و المعارض للترويج للعلامة التجارية.

ميزة العلاقات العامه هي انها ثنائية الاتجاه بتتيح للعميل الرد و التواصل مع المؤسسه او الشركه.

دور مسؤول العلاقات العامة هو تمثيل العلامه التجارية في أفضل صوره.

التسويق المباشر :

بيتيح التسويق المباشر للمؤسسات التواصل مع العملاء النهائيين بشكل مباشر, و يستخدم التسويق المباشر بعض الادوات زي ال Emails, و الرسائل النصيه, والكتالوجات والكتيبات والرسائل الترويجيه.

البيع الشخصي :

ميزته انه العميل بيتعامل وجهاً لوجه مع رجل المبيعات اللي بيتعامل مع كل عميل بالاسلوب المناسب ليه و بيقصر المسافه بشكل كبير جدا لبناء علاقه بين العميل و العلامه التجاريه.

العروض :

الترويج للعلامه التجاريه من خلال العروض زي كوبونات الخصم و الهدايه للعملاء و مدخلات الصحف و العروض للعملاء المميزين.

في النهايه هدف الـ Integrated Marketing هو تجميع كل النقط التسويقيه للمنتج في رساله واحده للجمهور في كل الوسائل التسويقيه المستخدمه, خاصة في العصر الحديث اللي العميل بيتعرض فيه لأكثر من رساله لأكثر من منتج فا من المهم ان يكون للعلامه التجاريه الخاصه بيك رساله موحده تميز منتجك عن باقي المنتجات و تلفت نظر العميل ليك و تثبت في ذهنه.

اعرف اكتر عن سيكولوجية العميل  وهل هو مهتم بالعروض او كوبونات الخصم إلخ – Customer Psychology و سجل معانا في كورس Customer Psychology المقدم من hpa و هتعرف كل حاجه خاصه بسلوكيات العميل و ازاي تستغلها في مجالك.